Monday, August 25, 2003

Garaj baras pyaasi dharti par phir paani de maulaa
Chidhiyon ko daane, bachchon ko Gud-dhanee de maulaa

Do aur do kaa jod hameshaa chaar kahaan hotaa hai
Soch samajh vaalon ko thodi naadaani de maulaa

Phir roshan kar zahar ka pyaalaa, chamakaa naee saleeben
Jhoothon ki duniyaa mein sach ko taabaani de maulaa

Phir murat se baahar aakar chaaron or bikhar jaa
Phir mandir ko koi meera deewanee de maulaa

Tere hote koi kisi ki jaan ka dushman kyon ho
Jeene vaalon ko marne ki aasaani de maulaa


- Insight, Nida Fazli and Jagjit Singh

A prayer, a plea, a wail...

No comments: